Disney Magic var i Ålesund 23. juni 2015.

Passasjerane på cruisebåten var sjølvsagt iland, og på Sunnmøre Museum var det laga til eit arrangement for at turistane skulle få oppleve litt av magien frå Disney-filmen "Frost", der fjordhesten har ei sentral rolle.

I den anledning hadde Oddmund fått spørsmål om å vise fram fjordhesten på Sunnmøre Museum, og tok då med seg Tora Lilja dit denne dagen.
Torfinn som alltid er positiv og villig til å hjelpe var med, og han og Oddmund hadde kledd seg i kle frå 1850-talet,
som dei også nytta under innspelinga av den kjende filmen "Den store hesteferda" i 2004.

Slik drog dei av garde denne dagen...

...barn og foreldre var heilt overvelda over den lune fine hesten,
med den spesielle manen og dei gode augene. Turistane stilte spørsmål og var veldig interessert, og dei ville høyre om dei fem forskjellige fargane til fjordhesten.
Kommentarane var: marvelous, fantastic, gourgeist, sweet...ja dei var imponerte.

Lilja lot seg klappe og kose med, og mykje bilder vart tatt, i fire timar, og ho oppførte seg eksemplarisk. Ingen uhell, alt gjekk veldig bra.

Der var også ein anna fjordhest med vogn som barna kunne sitje på med, noko som var veldig populært.