Nordre Sunnmøre Fjordhestlag

Velkommen til heimesida vår!

HESTENS DAG

Det var Hestens dag på Sunnmøre Travpark  på Vatne søndag 8. september. Fjordhestlaget vårt var med og arrangerte, ilag med hovudarrangør Sunnmøre travlag.

Det var eit fint arrangement, med parade, oppvisningar, barneriding og køyring med vogn. Veret var strålande, blå himmel og sol, og det var mange besøkande denne dagen. To lange køer med barn og unge som ville ri og sete på med hest og vogn.

Under ser vi nokre bilder fra denne dagen.

Sommar-nytt frå stall Nedrevold:

Første fjordhestfølet som er fødd i laget vårt på fleire år, Haug Liljar u. Haug Maya e. Heggnes Balder. Eigarar Hanne Brunvoll og Emma Nedrevold.

Nils og Oddmund studerar følet. Som ein gammal hestekar sa:

"Føl må ein sjå når det er 10 døgn gammalt, men då er det viktig å vite kva ein skal sjå etter!"

Jubileums-utstilling på Eid i år.

Det er i år 100 år sidan stiftelse av arrangørlaget Nordfjord Fjordhestlag, og Norges Fjordhestlag er 70 år. Dette vart markert under årets hingsteutstilling på Nordfjordeid første helga i mai. 

Martin Kjønsberg var der og køyrde firespann i opptoget, og dei to fremste hestane var hans, Salome (Sally) og Efyra.  Kristin G. Sandnes  og Matilde K. Uri frå laget vårt var med som hjelparar, og dei to bakre hestane var Birk og Tjalve til Kristin. Dei brukte også firespannet til skysskøyring denne dagen, og skyssa folk rundt i området og i sentrum av Eid. Dette var eit populært innslag under årets hingsteutstilling.

To foto nedanfor: Kristin G. Sandnes